“దేవుని ప్రేమ మన హృదయములలో కుమ్మరింపబడియున్నది” రోమా Romans 5:5
పల్లవి : ప్రవిమలుడా పావనుడా – స్తుతిస్తోత్రము నీకే
పరమునుండి ప్రవహించె – మాపై కృప వెంబడి కృపలు
1. నీ మందిర సమృద్ధివలన – తృప్తిపరచు చున్నావుగా
ఆనంద ప్రవాహ జలమును – మాకు త్రాగనిచ్చితివి
కొనియాడెదము నీ కృపకై ఆనందించుచు పాడెదము
|| ప్రవిమలుడా ||
2. దేవుని సంపూర్ణతలో మమ్ము – పరిశుద్ధులుగా జేసియున్నావు
జ్ఞానమునకు మించిన ప్రేమ మాలో బయలు పరచితివి
కృతజ్ఞతలు చెల్లించుచు పూజించెదము నిన్నెప్పుడు
|| ప్రవిమలుడా ||
3. దైవత్వము నిండియుండెనుగా క్రీస్తు యేసు ప్రభువునందు
ఆయనయందు సంపూర్ణులుగా మమ్ము జేసియున్నావు
సాగిలపడుచు నీ కృపకై ఆరాధింతుము నిన్నిలలో
|| ప్రవిమలుడా ||
4. నిర్ధోషులుగా నిరపరాధులుగా నీ రక్తముతో మము జేసితివి
సర్వసంపూత్ణత మాకిచ్చి సిలువలో సంధిజేసితివి
నిత్యము నిన్ను స్తుతించి ఘనపరచెదము నిన్నిలలో
|| ప్రవిమలుడా ||
5. కృపా సత్యసంపూర్ణుడవై మామధ్యలో నివసించితివి
లోకమునందు నమ్మబడితివి అద్వితీయ తనయుడవై
నిరతము నిన్ను కీర్తించి సమాజములో పాడెదము
|| ప్రవిమలుడా ||