Telugu Christian Songs

“నీవే మహిమ ఘనత ప్రభావములు పొందనర్హుడవు” ప్రకటన Revelation 4:11

పల్లవి : వందనము నిమ్ము ప్రభు యేసునకు జై జై యనిపాడు
1. నా జీవితపు ప్రముఖుడు ప్రభువే
నన్నేలెడు ప్రభు నా రాజాయనే
యుగుయుగ మహిమ ప్రభువునకే
పాడుచుండెదను భజియించెదను జయధ్వనుల జేతున్
|| వందనము ||

2. నా ఆదర్శము మహిమయు తానే
తన యధికారము సర్వము నేలును
తన నామము బహు అద్భుతము
|| వందనము ||

3. యెహోవా బహుస్తుతికి యోగ్యుడు
భక్తుల స్మరణ నీతియు నాయనే
మహాప్రభావము గలవాడు
|| వందనము ||

4. బుద్దియు బలము జ్ఞానము ప్రభువే
తన నీతి బహు ఉన్నతమైనది
సైన్యముల కధిపతి నా తోడు
|| వందనము ||

“చిన్న మందా భయపడకుడి, మీకు రాజ్యము అనుగ్రహించుటకు మీ తండ్రికి ఇష్టమైయున్నది.” లూకా Luke 12:32

పల్లవి : సంతోషమే సంతోషమే – సంతోషముతో స్తుతించెదన్
క్రీస్తు యేసు రక్షించినన్ – చేర్చెను తన మందలో

1. ఘోర దుర్మార్గుడనై – దారితప్పి యుండగా
భూరి దయతో కాపరి యేసు – దారికి నడిపెను
|| సంతోషమే ||

2. అక్షయమైనదియు – నిర్మలమైనదియు
రక్షకుడేసు వాడబారని స్వాస్థ్యము నా కిచ్చును
|| సంతోషమే ||

3. భయమేమి లేదికను – ప్రభు చిన్న మందకు
దయ కృపతో రాజ్యమివ్వ – తండ్రికిష్టమాయెన్
|| సంతోషమే ||

4. మంటి పురుగునకు – మింట రాజ్యమివ్వ
మింటనుండి మంటి కేతెంచి – మరణ మొందె నేసు
|| సంతోషమే ||

5. దేవా నీ తలంపులు – నాకు ప్రియమైనవి
శోధింప నెంతో అశక్యములు – అగమ్యములు
|| సంతోషమే ||

6. నిజకుమారుడేసున్ – మన కనుగ్రహించెను
రాజ్యముతో బాటు సమస్తము నివ్వ – వెనుదీయునా?
|| సంతోషమే ||

7. మహిమ రాజ్యమునకు – మిమ్మును పిలుచుచున్న
మహిమ రాజుకు తగినట్టుగా మీరు – నడుచుకొనుడి
|| సంతోషమే ||

8. రాజాధిరాజు యేసే – ప్రభుల ప్రభు యేసే
పరమందు దూతలు – యిహమందు నరులు హల్లెలూయ పాడుడి
|| సంతోషమే ||