Telugu Gospel Songs Lyrics

“జీవాహారము నేనే; నాయొద్దకు వచ్చువాడు ఏమాత్రమును ఆకలిగొనడు. నాయందు విశ్వాసముంచు వాడు ఎప్పుడును దప్పిగొనడు.” యోహాను John 6:35

పల్లవి : యేసు ప్రభు నీ ముఖ దర్శనముచే
నా ప్రతి యాశను తీర్చుకొందును

1. నీవే నాకు జీవాహారము
నిన్ను సమీపించు వారే మాత్రము
ఆకలి గొనరిల ఆదర్శుడవు
|| యేసు ||

2. నీ మందిర సమృద్ధి వలన
నా మది నెప్పుడు తృప్తి పొందితిని
ఆనంద జలమును త్రాగించుచున్నావు
|| యేసు ||

3. నీవే నాకు జీవపు మార్గము
నీ సన్నిధిని పూర్ణానందము
కలదని నిన్ను ఘనపరచెదను
|| యేసు ||

4. ఆశతో నిండిన నా ప్రాణమును
ఆకలి గొనిన నాదు ఆత్మను
మేలుతో నీవు తృప్తిపరచితివి
|| యేసు ||

5. నీ సంతోషము నాకొసగితివి
నా సంతోషము పరిపూర్ణముగా
కావలయునని కోరిన ప్రభువా
|| యేసు ||

6. నా జీవిత కాలమంతయును
నీ ఆలయములో నివసించుచు
హల్లెలూయ పాటను పాడెద ప్రభువా
|| యేసు ||

నమ్మకమైన నా ప్రభు
నిన్ను నే స్తుతింతును – నిన్ను నే స్తుతింతును || నమ్మకమైన ||

కరుణతోడ పిల్చియు – స్థిరపరచి కాపాడిన
స్థిరపరచి కాపాడిన (2)
స్థిరపరచిన నా ప్రభున్
పొగడి నే స్తుతింతును (2) || నమ్మకమైన ||

ఎన్నో సార్లు నీ కృపన్ – విడచియుంటినో ప్రభు
విడచియుంటినో ప్రభు (2)
మన్ననతోడ నీ దరిన్
చేర్చి నన్ క్షమించితివి (2) || నమ్మకమైన ||

కృంగియుండు వేళలో – పైకి లేవనెత్తితివి
పైకి లేవనెత్తితివి (2)
భంగ పర్చు సైతానున్
గెల్చి విజయమిచ్చితివి (2) || నమ్మకమైన ||

నా కాశ్రయశైలమై – కోటగా నీవుంటివి
కోటగా నీవుంటివి (2)
ప్రాకారంపు ఇంటివై
నన్ను దాచియుంటివి (2) || నమ్మకమైన ||

సత్య సాక్షివై యుండి – నమ్మదగినవాడవై
నమ్మదగినవాడవై (2)
నిత్యుడౌ మా దేవుడా
ఆమేనంచు పాడెద (2) || నమ్మకమైన ||

దేవుడు లోకమును ఎంతో ప్రేమించెను.” యోహాను John 3:16

పల్లవి : ప్రేమ నమ్మకముగల పరలోక తండ్రి
తన కుమారుని పంపెను రక్తము చిందించి
మా పాపము కడుగ సిలువపై అర్పించెను

1. త్యాగసహిత ప్రేమజూపి నెరవేర్చె తన నిబంధనను
మనలను తానే నిర్మించె గనుక మనలను ప్రేమించెను
|| ప్రేమ ||

2. శాశ్వత ప్రేమ చూపించెను సిలువపై ఋజువు గావించెను
తన రక్తముతో పాపులనెల్ల శుద్ధుల జేసెనుగా
|| ప్రేమ ||

3. తండ్రివలెనే ప్రేమజూపి నీచులనెల్ల ప్రేమించెను
ఎవరు పాపము నొప్పుకొందురో వారిని క్షమించును
|| ప్రేమ ||

4. మా జీవితముల మార్చివేసి తన సంతతిలో చేర్చెనుగా
తన మహా ప్రేమ జూపించి మాకు స్వాస్థ్యము దయచేసెను
|| ప్రేమ ||

5. ఆత్మ శరీర ప్రాణములన్ అర్పించి ప్రభును స్తుతింతము
హల్లెలూయ స్తుతి మహిమ ఘనత ఎల్లప్పుడు ప్రభుకే
|| ప్రేమ ||