Telugu Worship Songs Lyrics

“ఆ ప్రియుని యందు ఆయన రక్తము వలన మనకు విమోచనము కలిగియున్నది” ఎఫెసీ Ephesians 1:7

పల్లవి : నా ప్రియుడా – పాపవిమోచకుడా – ప్రభుయేసు (2)
నా ప్రాణమును కాపాడి – నూతన బలమొసగెను (2)
స్తుతి గీతములతో – ఆరాధించెదను – ఎల్లప్పుడు (2)

1. యేసుని రక్తమందు – ముక్తి లభించెను – స్తుతించెదన్
యేసుని నిత్య జీవము – పొందెదను నిశ్చయం
యేసునకె నా స్తుతి సుమములు – సుమధురం
|| నా ప్రియుడా ||

2. తల్లి గర్భమునె ఎరిగి నన్ను – ప్రేమించెన్
తల్లిని మించిన ప్రేమ – జూపిన మరువని ప్రేమ
తల్లి మరిచిన మరువ డేసు – నిరతము
|| నా ప్రియుడా ||

3. సూర్యకాంత సుగంధ సునీల – సువర్ణము
సూర్యతేజస్సు మించిన – ఆ వెల్గు రాజ్యములో
సూర్యునివలె తేజరిల్లెదను – నా యేసుతో
|| నా ప్రియుడా ||

4. బూరశబ్దముతో నీవరుదెంచు – దూతలతో
నాకై గాయపడిన – బంగారు నీ మోమున్
రక్షణతో నిరీక్షించెదన్ – వీక్షింపన్
|| నా ప్రియుడా ||

5. సూర్యచంద్ర ఆకాశం దాటి – నీ చెంతకు
జీవవృక్షమున చెంత జీవనదిని చేరి
హల్లెలూయ హల్లెలూయ – ఎల్లప్పుడు
|| నా ప్రియుడా ||

“దేవుని ప్రేమ మన హృదయములలో కుమ్మరింపబడియున్నది” రోమా Romans 5:5

పల్లవి : ప్రవిమలుడా పావనుడా – స్తుతిస్తోత్రము నీకే
పరమునుండి ప్రవహించె – మాపై కృప వెంబడి కృపలు

1. నీ మందిర సమృద్ధివలన – తృప్తిపరచు చున్నావుగా
ఆనంద ప్రవాహ జలమును – మాకు త్రాగనిచ్చితివి
కొనియాడెదము నీ కృపకై ఆనందించుచు పాడెదము
|| ప్రవిమలుడా ||

2. దేవుని సంపూర్ణతలో మమ్ము – పరిశుద్ధులుగా జేసియున్నావు
జ్ఞానమునకు మించిన ప్రేమ మాలో బయలు పరచితివి
కృతజ్ఞతలు చెల్లించుచు పూజించెదము నిన్నెప్పుడు
|| ప్రవిమలుడా ||

3. దైవత్వము నిండియుండెనుగా క్రీస్తు యేసు ప్రభువునందు
ఆయనయందు సంపూర్ణులుగా మమ్ము జేసియున్నావు
సాగిలపడుచు నీ కృపకై ఆరాధింతుము నిన్నిలలో
|| ప్రవిమలుడా ||

4. నిర్ధోషులుగా నిరపరాధులుగా నీ రక్తముతో మము జేసితివి
సర్వసంపూత్ణత మాకిచ్చి సిలువలో సంధిజేసితివి
నిత్యము నిన్ను స్తుతించి ఘనపరచెదము నిన్నిలలో
|| ప్రవిమలుడా ||

5. కృపా సత్యసంపూర్ణుడవై మామధ్యలో నివసించితివి
లోకమునందు నమ్మబడితివి అద్వితీయ తనయుడవై
నిరతము నిన్ను కీర్తించి సమాజములో పాడెదము
|| ప్రవిమలుడా ||