వర్ధిల్లెదము - మన దేవుని మందిరమందున నాటబడినవారమై నీతిమంతులమై - మొవ్వ వేయుదుము యేసు రక్తములోనే - జయము మనకు జయమే స్తుతి స్తోత్రములోనే - జయము మనకు జయమే యెహోవా మందిర ఆవరణములో ఎన్నెన్నో మేళ్ళు కలవు ఆయన సన్నిధిలోనే నిలిచి - అనుభవింతుము ప్రతి మేలును || వర్ధి || యేసయ్య సిలువ బలియాగములో అత్యున్నత ప్రేమ కలదు ఆయన సముఖములోనే నిలిచి - పొందెదము శాశ్వత కృపను || వర్ధి || పరిశుద్ధాత్ముని అభిషేకములో - ఎంతో ఆదరణ కలదు ఆయన మహిమైశ్వర్యము మన దుఃఖము సంతోషముగా మార్చును || వర్ధి ||
yesanna songs
రాజ జగమెరిగిన నా యేసురాజా
రాజ జగమెరిగిన నా యేసురాజా రాగాలలో అనురాగాలు కురిపించిన మన బంధము - అనుబంధము విడదీయగలరా - ఎవరైనను - మరి ఏదైనను ? దీన స్థితియందున - సంపన్న స్థితియందున నడచినను - ఎగిరినను - సంతృప్తి కలిగి యుందునే నిత్యము ఆరాధనకు - నా ఆధారమా స్తోత్రబలులు నీకే - అర్పించెద యేసయ్యా || రాజ || బలహీనతలయందున- అవమానములయందున పడినను - కృంగినను - నీ కృపకలిగి యుందునే నిత్యము ఆరాధనకు - నా ఆధారమా స్తోత్రబలులు నీకే - అర్పించెద యేసయ్యా || రాజ || సీయోను షాలేము - మన నిత్య నివాసము చేరుటయే నా ధ్యానము - ఈ ఆశ కలిగి యుందునే నిత్యము ఆరాధనకు - నా ఆధారమా స్తోత్రబలులు నీకే - అర్పించెద యేసయ్యా || రాజ ||
యేసయ్యా నా హృదయాభిలాష నీవేనయ్యా
యేసయ్యా నా హృదయాభిలాష నీవేనయ్యా
మెస్సయ్యా నా తీయ్యని తలంపులు నీవేనయ్యా – 2
- పగలు మేఘ స్థంభమై – రాత్రి అగ్ని స్థంభమై
నా పితరులను ఆవరించి – ఆదరించిన మహానీయుడవు – 2
పూజ్యనీయుడా నీతి సూర్యుడా
నిత్యము నాకనుల మెదలుచున్న వాడా “యేసయ్యా” - ఆత్మీయ పోరాటాలలో – శత్రువు తంత్రాలన్నిటిలో
మెలకువ కలిగి ఎదిరించుటకు శక్తితో నింపిన షాలేము రాజా – 2
విజయశీలుడా – పరిశుద్ధాత్ముడా
నిత్యము నాలోనే నిలిచియున్నవాడా – 2 “యేసయ్యా”
నేనెందుకని నీ సొత్తుగా మారితిని
నేనెందుకని నీ సొత్తుగా మారితిని
యేసయ్యా నీ రక్తముచే – కడుగబడినందున
నీ అనాది ప్రణాళికలో – హర్షించెను నా హృదయసీమ
నీ పరిచర్యను తుదముట్టించుటే-నా నియమమాయెనే
నీ సన్నిధిలో నీ పోందుకోరి – నీ స్నేహితుడనైతినే
అహా! నాధన్యత ఓహో! నాభాగ్యము -ఏమని వివరింతును “నేనె”
నీ శ్రమలలో – పాలొందుటయే – నా దర్శనమాయెనే
నా తనువందున – శ్రమలుసహించి- నీ వారసుడనైతినే
అహా! నాధన్యత ఓహో! నాభాగ్యము -ఏమని వివరింతును “నేనె”
నీలో నేనుండుటే – నాలో నీవుండుటే – నా ఆత్మీయ అనుభవమే
పరిశుద్ధాత్ముని అభిషేకముతో – నే పరిపూర్ణత చేందెద
అహా! నాధన్యత ఓహో! నాభాగ్యము -ఏమని వివరింతును ” నేనె”
భూమ్యాకాశములు సృజించిన
భూమ్యాకాశములు సృజించిన
యేసయ్యా నీకే స్తోత్రం (2)
నీ ఆశ్ఛర్యమైన క్రియలు నేనెలా మరచిపోదును (2)
హల్లెలూయ లూయ హల్లెలూయా (4)
బానిసత్వమునుండి శ్రమల బారినుండి విడిపించావు నన్ను
దీన దశలో నేనుండగా నను విడువవైతివి (2) ॥భూమ్యాకాశములు॥
జీవాహారమై నీదు వాక్యము పోషించెను నన్ను
ఆకలితో అల్లాడగా నను తృప్తిపరచితివి (2) ॥భూమ్యాకాశములు॥
భుజంగములను అణచివేసి కాచినావు నన్ను
ఆపదలో చిక్కుకొనగా నన్ను లేవనెత్తితివి (2) ॥భూమ్యాకాశములు॥
నూతన యెరూషలేం నిత్యనివాసమని తెలియజేసితివి
నిట్టూర్పులలో ఉండగా నను ఉజ్జీవ పరచితివి (2) ॥భూమ్యాకాశములు॥