“మనలను ప్రేమించుచు తన రక్తమువలన మన పాపములనుండి మనలను విడిపించినవానికి మహిమయు ప్రభావమును యుగయుగములు కలుగునుగాక ఆమేన్‌.” ప్రకటన Revelation 1:6
పల్లవి : ఓ ప్రేమగల యేసు – ప్రేమించినావు మమ్ము
స్మరించుచు స్తుతింతున్ – రక్షణ నిచ్చినావు
1. అద్భుత యాగమందు – అందరికై బలియై
అందరి పాపములకు – ప్రాయశ్చిత్తమైతివి
|| ఓ ప్రేమగల ||
2. దాసులమై మేముండ – మోషేను పంపితివి
చేసితివి స్వతంత్రులుగా – నీ బాహుబలము తోడ
|| ఓ ప్రేమగల ||
3. క్షమాపణానందముతో – సాగింపచేసి మమ్ము
యాత్రలో మాకు తోడై – విజయము నిచ్చితివి
|| ఓ ప్రేమగల ||
4. ఎడారి అడవిలోన – ఊటల నదులు నడిపి
ఎండిన నేలనంత – పచ్చిక బయలు చేసెన్
|| ఓ ప్రేమగల ||
5. బాబెలు నుండి మమ్ము – విడిపించితివి నీవు
బంధకముల తెంచి – తప్పు బోధ బాపినావు
|| ఓ ప్రేమగల ||
6. సహవాసమిచ్చి సంఘ – అంగముల జేసినావు
సాక్షులను చేసి మమ్ము – శత్రువుల సిగ్గుపరచె
|| ఓ ప్రేమగల ||
7. మహా ప్రేమ గల యేసు – మాకై చేసితివన్ని
ఘనపరతు హల్లెలూయ – ఈ గొప్ప రక్షణ కొరకు
|| ఓ ప్రేమగల ||