“యెహోవా, నీవు దోషములను కనిపెట్టి చూచిన యెడల ప్రభువా, ఎవడు నిలువగలడు?” కీర్తన Psalm 130
పల్లవి : యెహోవా అగాధ స్థలములలో నుండి – నీకు మొర పెట్టుచున్నాను
ప్రభువా నా ప్రార్థనకు చెవి యొగ్గి నా ఆర్తధ్వని వినుము
1. యెహోవా నీవు దోషములు – కనిపెట్టి చూచిన యెడల
ప్రభువా ఎవడు నిలువగలడు?
|| యెహోవా ||
2. అయినను జనులు నీ యందు – భయభక్తులు నిలుపునట్లు
నీ యొద్ద కృప దొరుకును
|| యెహోవా ||
3. యెహోవా కొరకు నేను – కనిపెట్టుకొనుచున్నాను
ఆశ పెట్టుకొనుచున్నాను
|| యెహోవా ||
4. కావలి వారు ఉదయము కొరకు – కనిపెట్టుకొనుట కంటె
నా ప్రాణము కనిపెట్టుచున్నది
|| యెహోవా ||
5. ఇశ్రాయేలు యెహోవా – మీద ఆశపెట్టుకో
యెహోవా యొద్ద కృప దొరుకున్
|| యెహోవా ||
6. ఇశ్రాయేలు దోషము నుండి – ఆయనే విమోచించును
విమోచన దొరుకును
|| యెహోవా ||