Jesus Songs Telugu Lyrics

1. రాజాధి రాజుపై కిరీటముంచుడి
పైలోకానంద సునాదంబుల నాలించుడి
లే లెమ్ము డెందమా! నా కై చావొందిన
రారాజుపై కిరీటముంచి రాజున్ జేయుడి

2. ఈ ప్రేమ రాజుపై – కిరీటముంచుడి
ప్రకాశించు ప్రక్కచేతి – గాయంబుల్ చూడుడి
ఏదూత చూచును – భరింప గల్గును
నా వైపు వంగి చూచుచు – న్న – రాజున్ గొల్వుడి

3. ఈ జీవ రాజుపై – కిరీటముంచుడి
చావున్ జయించినన్ – రక్షించిన సజీవియై
చావున్ జయించెను – జీవంబుదెచ్చెను
హా! చావున్ గెల్చి – జీవకి – రీటంబు దెచ్చెను

4. ఈ మోక్షరాజుపై – కిరీటముంచుడి
నిత్యుండై తండ్రితోన్ – శుద్ధాత్మతోడ నైక్యుండు
రవంబు చేయుడి – నిరంతరంబును
ఓ రాజా, నీకే నిత్యఘ – నత ఖ్యాతి గల్గును

“వివాహ దినమున అతని తల్లి అతనికి పెట్టిన కిరీటము చూడుడి; ఆ దినము అతనికి బహు సంతోషకరము.” పరమ గీతము Song Of Songs 3:11

1. భక్తులారా దుఃఖక్రాంతుడు – వచ్చె మహిమతోడ
విజయుడుగాన మోక – రించుటకు పూజ్యుడు
మకుటము తలనుంచి – అభిషిక్తున్ జేయుడు – మకుటము

2. పరలోక మార్భటింప – దూతలారా కొల్వుడి
సింహాసనమునందు రాజు – నభిషక్తున్ చేయుడి
మకుటము తలనుంచి – రాజరికమీయుడి – మకుటము

3. పాపుల్ ముండ్ల మకుట మీయ – గరక్షితు లెల్లరు
చుట్టు నిల్చి స్తుతిపాడి – యేసు పేరుపొందుడి
మకుటము తలనుంచి – జయము ప్రకటించుడి – మకుటము

4. యేసు మహోన్నతు డాయెన్ – హా! మహాసంతోషము
ఆర్భటించు పాట న్విని – గొప్పగా స్తుతించుడి
మకుటము తలనుంచు – డీ రాజాధిరాజుకు – మకుటము

“అతని నోరు అతి మధురము” పరమ గీతము Song Of Songs 5:16

1. యేసుని నామ శబ్దము – విశ్వాసి చెవికి
దివ్యమై యాదరించు – భీతిని ద్రోలును

2. గాయపడిన ఆత్మను – క్లేశహృదయము
నాకలి బాధ నార్పును – విశ్రాంతి నిచ్చును

3. ఇంపైన పేరు బండయు – డాలు నాశ్రయము
ధననిధీ కృపలతో – నన్నింపుచుండును

4. యేసూ నా ప్రియ కాపరి – ప్రవక్త నా రాజు
ప్రభూ జీవమార్గ సత్యం – మా స్తుతి వినుము

5. నా హృదయము దౌర్బల్యము – తలంపు వ్యర్థము
నిన్ను నే జూచినపుడు – సరిగా పూజింతును

6. శ్వాసించునపుడెల్లను – నీ ప్రేమ జాటుదున్
నీ నామ మధురమే నా – మృతిన్ ఆదరించున్

వారు ― సైన్యముల కధిపతియగు యెహోవా, పరిశుద్ధుడు పరిశుద్ధుడు పరిశుద్ధుడు; సర్వలోకము ఆయన మహిమతో నిండియున్నది అని గొప్ప స్వరముతో గాన ప్రతిగానములు చేయుచుండిరి.” యెషయా Isaiah 6:3

1. నృపా విమోచకా ప్రభూ – వేలాది నోళ్ల నీ
గృపా జయప్రభావముల్ – నుతింతు నెంతయున్

2. కృపాధికార దేవ నీ సాయంబు జేయుమా
భవత్ప్రభావ కీర్తులన్ – జాటంగ నెల్లడన్

3. భయంబు చింతబాపును – హర్షంబు పాపికి
సౌఖ్యంబు జీవశాంతులు – నీనామ మిచ్చును

4. విముక్తి జేయు ఖైదిని – పాపంబు బావును
పాపాత్ము శుద్ధిచేయును శ్రీ యేసు రక్తము

5. జనాళి పాపు లెల్లరు – శ్రీ యేసున్ నమ్ముడి
కృపా విముక్తులందరు – సంపూర్ణ భక్తితో

6. అర్పించె యేసు ప్రాణమున్ – నరాళిగావను
యజ్ఞంబు దేవ గొఱ్ఱెపై – నఘంబు వేయుడి

7. సత్కీర్తి స్తోత్ర ప్రేమల – నభావ భూమిని
సర్వత్ర దేవుడొందుగా – సద్భక్తవాళిచే