“క్రీస్తే సర్వమును అందరిలో నున్నవాడై యున్నాడు” కొలస్సయులకు Colossians 3:11
1. సర్వశక్తుడు నాకు – సర్వమాయనే
సర్వమాయనే – నాకు సమస్తమాయనే
2. మార్గ సత్యజీవంబు – యేసునాథుడే
మార్గమాయనే – ఏకమార్గమాయనే
3. జీవాహారము జీవపానము నాయనే
జలము నాయనే – శాంతజల మాయనే
4. ఆదియంతము అల్ఫా ఓమేగాయనే
ఓమేగాయనే – ఏకసుతుడాయనే
5. రక్షణ పరిశుద్ధత నీతియాయనే
నీతియాయనే – దేవ నీతి యాయనే
6. పునరుత్థానము నిత్య జీవమాయనే
జీవమాయనే – నిత్య జీవమాయనే
7. హల్లెలూయకు సర్వపాత్రుడాయనే
పాత్రుడాయనే – ఆశ్రయ దుర్గమాయనే
“నిత్యము ఆయన కోర్తి నా నోట నుండును” కీర్తన Psalm 34:1
1. యేసునాథా త్రిలోకనాథా – లోకోద్ధారక క్రీస్తు దేవా
చక్కగ దాసుల బ్రోచి రక్షించుము
2. అబ్దిమీద నడచిన దేవా – ఐదు రొట్టెల నైదువేలకు
నతిశయముగను పంచిన దేవా
3. కానా లోని వివాహ విందున – నీళ్ళను ద్రాక్షరసముగ మార్చిన
కరుణానిథీ నను ప్రేమించు నిత్యము
4. నాథా నాదు గతియు నీవే – పాదారవింద శరణమిమ్ము
ఆధారమీవే దీనోపకారా
5. కృపాసముద్ర దయామయుండా – తలను ముండ్ల మకుటధారివై
సిలువయందు మరణించితివి
6. నీదు రాజ్యము వచ్చునుగాక – సాధుగ మోక్షసౌఖ్యము చేర
నీదు దాసుల నాశీర్వదించుము
“యెహోవాను గూర్చి కీర్తన పాడుడి” యెషయా Isaiah 12:5
పల్లవి : యెహోవాకు పాడుడి పాటన్
అతి శ్రేష్ఠ కార్యములను చేసిన వాడని
1. భూమియందంతట ప్రచురము చేయుడి
ఆటంకము లేక దీని ప్రకటించుడి
|| యెహోవాకు ||
2. సీయోను వాసులారా ఇశ్రాయేలు దేవుడు
అతి ఘనుండై నీ మధ్య – వసియించు చున్నాడు
|| యెహోవాకు ||
3. యెహొవా మన నీతి ఋజువు చేసెనని
సీయోనులో క్రియలను వివరించెదము రండి
|| యెహోవాకు ||
4. శూన్య పట్టణములు నిండినందువలన
యెహోవా నేనేయని వారు గ్రహించెదరు
|| యెహోవాకు ||
5. యెరూషలేం పండుగలో గొర్రెల మందలవలె
నింపెద మనుజులతో వారి పట్టణములను
|| యెహోవాకు ||
6. మందిర సమృద్ధిచే తృప్తి పొందెదరు
నీ యానంద నదిలో దప్పి తీర్చుకొందురు
|| యెహోవాకు ||
“ఆయన ధనవంతుడై యుండియు మీరు తన దారిద్ర్యము వలన ధనవంతులు కావలెనని, మీ నిమిత్తము దరిద్రుడాయెను.” 2 కొరింథీయులకు Corinthians 8:9
పల్లవి : జై జై జై జై రాజుల రాజా
పాత్రుడ వీవే మా ప్రభు వీవే
1. అన్ని కాలములలో నీ నామము
మహోన్నతము మహోన్నతుడా
వాగ్దానము నెరవేర్చిన దేవా
మాట తప్పని మహోపకారి
|| జై జై జై జై ||
2. దూతల మాదిరి గీతముల్ పాడుచు
సతతము నిన్నే స్తోత్రించెదము
గొల్లలు గాంచిన ఘన కాపరి మా
ఉల్లము నందు ఉల్లసించెదము
|| జై జై జై జై ||
3. తూర్పున తారను గాంచిన జ్ఞానులు
రాజుల రాజ నీవే యనుచు
బంగారము సాంబ్రాణి బోళమును
అర్పించి ఆరాధించిరిగా
|| జై జై జై జై ||
4. ధనవంతుడవగు ఓ మా ప్రభువా
ధనహీనునిగా నైతివి మాకై
మా దారిద్ర్యము తీసివేయ
నరరూపమున జన్మించితివి
|| జై జై జై జై ||
5. యేసు ప్రభుండా రక్తము కార్చి
ఎంచి మమ్ము విమోచించితివి
ఎంచలేను నీ మేలుల నెపుడు
ఎన్నదగిన మా దేవుడ నీవే
|| జై జై జై జై ||
6. మాకై సిలువలో మరణించితివి
మరణపు ముల్లును విరచిన ప్రభువా
యుగయుగములకు నీకే మహిమ
నిరతము స్తోత్రము హల్లెలూయ
|| జై జై జై జై ||
“నా ప్రభువా నా దేవా” యోహాను John 20:28
పల్లవి : పరిశుద్ధ ప్రభు యేసు – స్తుతి స్తోత్రం
నన్ను రక్షించినట్టి – నా ప్రభువా
1. గొప్ప దేవుడవని – నే నెరిగితిని
తప్పకుండ నీ నామము – స్మరియింతును
|| పరిశుద్ధ ||
2. తండ్రివైతివి నీవు – పరమునందు
దండి ప్రియుడవు నీవు – నా రక్షకా
|| పరిశుద్ధ ||
3. బహు విశ్వాస హీనుడ – నగు నాకు
మహా ప్రభువై నన్నున్ – మోసెదవా!
|| పరిశుద్ధ ||
4. సజీవుడవైన – విమోచకుడా
ఉజ్జీవము నొసగి – లేపితివే
|| పరిశుద్ధ ||
5. మంచి కాపరి నీవే – మా యేసు ప్రభూ
కొంచెమైనను కొదువ – లేదికను
|| పరిశుద్ధ ||
6. పరలోక ప్రధాన – యాజకుడా
ఏ రీతిగా నిను నే పూజింతును?
|| పరిశుద్ధ ||
7. పరలోకములో నుండి – వరుడేసు
అరుదెంచు నాకై – హల్లెలూయ
|| పరిశుద్ధ ||