Telugu Worship Songs Lyrics

“నిన్ను వెదకువారందరు నిన్నుగూర్చి ఉత్సహించి సంతోషించుదురు గాక.” కీర్తన Psalm 70:4

పల్లవి : స్తుతియు మహిమ ఘనత నీకే యుగయుగముల వరకు
ఎంతో నమ్మదగిన దేవా

1. మా దేవుడవై మాకిచ్చితివి ఎంతో గొప్ప శుభదినము
మేమందరము ఉత్సహించి సంతోషించెదము
కొనియాడెదము మరువబడని మేలులజేసెనని
|| స్తుతియు ||

2. నీ వొక్కడవే గొప్ప దేవుడవు ఘనకార్యములు చేయుదువు
నీదు కృపయే నిరంతరము నిలిచియుండునుగా
నిన్ను మేము ఆనందముతో ఆరాధించెదము
|| స్తుతియు ||

3. నూతనముగ దినదినము నిలుచు నీదు వాత్సల్యత మాపై
ఖ్యాతిగ నిలిచే నీ నామమును కీర్తించెదమెప్పుడు
ప్రీతితో మాస్తుతులర్పించెదము దాక్షిణ్య ప్రభువా
|| స్తుతియు ||

4. నీవే మాకు పరమప్రభుడవై నీ చిత్తము నెరవేర్చితివి
జీవమునిచ్చి నడిపించితివి నీ ఆత్మ ద్వారా
నడిపించెదవు సమభూమిగల ప్రదేశములో నన్ను
|| స్తుతియు ||

5. భరియించితివి శ్రమలు నిందలు ఓర్చితివన్ని మాకొరకై
మరణము గెల్చి ఓడించితివి సాతాను బలమున్
పరము నుండి మాకై వచ్చే ప్రభుయేసు జయము
|| స్తుతియు ||

“యెహోవా నీవే నన్ను సురక్షితముగా నివసింపజేయుదువు.” కీర్తన Psalm 4:8

పల్లవి : ప్రణుతింతుము మా యెహోవా
పరిపూర్ణ మహిమ ప్రభావా
ప్రబలెన్ నీ రక్షణ మా విభవా

1. నేను నిదురబోయి మేలు కొందును
నాపైన పదివేలు మోహరించినను
నేనెన్నడు వెరువబోను
|| ప్రణుతింతుము ||

2. నా మీదికి లేచి భాధించువారు
వానికి రక్షణ లేదనువారు
వేలాదిగా నిల్చినారు
|| ప్రణుతింతుము ||

3. యెలుగెత్తి యెహోవా సన్నిధియందు
విలపించి వేడినయట్టి దినమందు
వింతగ రక్షించితివంచు
|| ప్రణుతింతుము ||

4. రక్షణనిచ్చుట మన యెహోవాది
రారాజు ప్రజలకు ఆశీర్వాదంబు
రంజిల్లు నీ ధరణియందు
|| ప్రణుతింతుము ||

5. నీ అందచందాల మోము మెరిసింది
నీ మాటలమృత ధారలొలికింది
నిన్నే ప్రేమించి పూజింతున్
|| ప్రణుతింతుము ||